UNE JETOJ

Sot Shqiperia ka dite zie, per t’u solidarizuar me famljet qe humben te dashurit e tyre sot ne oret e para te mengjesit, ne liqenin e Farkes ne Tirane.

Nje ditelindje qe u kthye ne mort dhe mori jeten e 16 personave, familjare e miq. Personat ishin duke u kthyer prej lokalit ku kishin festuar ditelindjen, me varke ne anen tjeter te liqenit te Farkes. Mendohet se shkak i tragjedise te kete qene mbingarkesa e varkes, por nje djale qe punon ne ate lokal sapo tha per News 24, se personat ishin kthyer me varken me te madhe te lokalit e cila drejtohej vete nga pronari i lokalit. Ky i fundit gjithashtu ka humbur jeten.

Familjaret jane te shokuar. Askush nuk mund ta besoje ate qe ka ndodhur. Vdekja vjen atehere kur nuk e pret. Edhe ne mes te nje gezimi.

Para dy tre javesh lexova nje poeme qe m’i mbushi syte me lote. Ajo thoshte se sikur ta dija qe ishte hera e fundit qe te shikoja duke dale nga ajo dere, do te te mbaja fort dhe s’do te lija te shkoje. Nese do ta dija qe ishte hera e fundit qe te pashe, do te lutesha per ty qe Zoti shpirtin tend te ruante. Sikur ta dija qe ishte hera e fundit qe folem bashke, do te te kisha thene sa shume te doja. E keshtu me radhe. Nje poeme shume prekese qe shpreh dhimbjen permes se ciles kalojme kur humbim me te dashurit tane.

Kohet e fundit kam menduar shume per vdekjen, jo sepse jam fataliste as pesimiste. Por sepse brenda pak muajve dy nga te afermit e mi kane nderruar jete. Kusherira ime, ende e re, e cila nuk i mbijetoi kancerit. Dhe vetem pak dite me pare, babai i saj.

Nje dite para se kusherira ime te vdiste, po mendoja per te. Po mendoja qe do ta merrja ne telefon, t’i thosha qe me kishte marre malli shume per te, qe mezi kisha pritur qe ta takoja pas gjithe atyre viteve qe kisha jetuar larg dhe nuk e kisha pare dot. Heren e fundit qe folem ne telefon ajo ishte ne spital. Me tha qe e kishte marre malli shume. Me pyeti kur do te shiheshim.

Une nuk e mora dot ne telefon ate nate qe po mendoja per te. Prita te nesermen. E nesermja nuk erdhi me per vajzen e tezes sime.

Shpesh jetojme sikur nuk do te vdesim kurre. Harrojme qe te afermit tane jane prane nesh vetem per pak kohe. Kush e dinte mbreme qe keta 16 njerez do te humbnin jeten duke u kthyer prej ditelindjes. Mos prit per neser t’i shprehesh dashurine te afermeve te tu, familjes tende. Ndoshta e nesermja nuk do te vije kurre.

Mos prit per neser per te vendosur per perjetesine tende. E nesermja mbase nuk do te vije per ty.

Ne Bibel eshte nje varg qe thote “Sot nese e degjon zerin e Perendise mos e ngurteso zemren tende, por pergjigju Atij”.

Ndoshta ti pyet se si degjohet zeri i Perendise. Ai nuk eshte nje ze qe do bucase nga qielli, miku im. Jezusi thote “Une qendroj te dera dhe trokas, nese dikush e degjon zerin tim dhe e hap deren, une do te hyj tek ai dhe do te ha darke me te” (do te behem miku i tij).

Jezusi eshte te dera e zemres tende, po troket tani. Zeri i Perendise vjen tek ty si ajo peshperitje e embel qe ta trazon zemren kur mendon per perjetesine, mendimi qe te vjen per nje cast te mendosh per vdekjen, ky artikull qe ti po lexon tani ndoshta eshte zeri i tij qe te therret te pajtohesh me te.

Jezusi tha se vetem ata qe do te besojne tek Ai dhe sakrifica e tij ne kryq, kane per te shpetuar. Ai tha se kush i beson Atij nuk do te shkoje ne gjyq, por ai ka kaluar nga vdekja ne jete.

Sot, tani qe po lexon kete, ndersa ke ende kohe, beje hapin e pare vendimtar per ta ftuar Jezusin ne jeten tende si Zotin dhe Shpetimtarin tend. Mos prit per neser, ndoshta e nesermja nuk do te vije.

Mund te lutesh keshtu:

“Zot Jezus, kam nevoje per ty. Faleminderit qe ti ke vdekur ne kryq per mekatet e mia dhe ke siguruar faljen e mekateve dhe shpetimin tim. Une e hap deren e zemres sime dhe sot te ftoj ty si Zotin dhe SHpetimtarin tim. Merre ti ne dore jeten time dhe beme ashtu sic ti do. Faleminderit Zot qe plani yt per jeten time eshte i persosur”

Nese je lutur tani keshtu permes besimit, Zoti Jezus ka mbajtur premtimin e tij per te ardhur ne jeten tende. Ti ke marre faljen e mekateve te tua dhe te eshte dhene nje jete e re. Bibla na tregon se kush beson ne Krishtin eshte nje krijese e re, gjithcka e vjeter ka shkuar dhe eshte bere e re.

Popularity: 17% [?]

Related Posts

1. Tragjedia e Jetes